Transcription
1
Monsieur, par ma lettre du jourdhier je remis à vous
2
respondre de ce que mavez escript touchant la Combe
3
quon vous a dict faire des menées, lequel ne pourroit
4
avec aultre que le geollier estant si bien reserré
5
quà aultre homme ne peult-il parler que celuy là
6
qui n’est pas pour se laisser aller à telle chose,
7
sachant ce que je luy ay dict de bonne leçon. Et
8
quant à le mettre à rançon, cest chose que je nay
9oncques pencé ; et quant [barré : il ] adviendroit, ce ne seroit
10
sans vous en advertir premierement et conserver en cela
11
le droit et la raison dun chacun. Jeusse pieça suivy
12
ce que jugez très bien de ce personnage duquel ne
13
seroit maintenant à tenir propos, nestoit quelzques
14
considerations qui ne se peuvent bonnement escripre,
15
lesquelles vous trouveriez pertinentes comme moy.
16
Et quant il aura à desemparer ce lieu où il est,
17
vous pouvez asseurer que ce sera sans volunté de
18
pouvoir nuyre au service du roy. Je nay rien receu
19
depuis hier digne de plus longue lettre ; et supplieray
20
en cest endroit le Createur, après mes humbles recommandations
21
à votre bonne grace, quil vous doinct,
22
Monsieur, en parfaicte santé et prosperité tres heureuse vye.
23
De Lyon, ce XXIe febvrier 1574
24
Vostre plus afeccionné à vous fere servise
25
Mandelot.